დროულად ნათქვამი სიტყვა

დღევანდელი სათაურის სიტყვები მეფე სოლომონს ეკუთვნის, იგავებში კი, ასეა გადმოცემული:

მოვერცხლილი ოქროს ვაშლებია
დროულად ნათქვამი სიტყვა.
იგავები 25:11

ძალიან მარტივია შეაფასო ამ სამკაულის თუ ხელოვნების ნაწილის სილამაზე და ღირებულება, ხოლო თუ ოდესმე შეგიგრძნიათ დახმარება დროულად ნათქვამი სიტყვის მეშვეობით, თქვენ იცით, რომ იგი შეიძლება ოქროსა და ვერცხლზე უფრო ძვირფასი იყოს.

ეს ჩემს ცხოვრებაში არაერთხელ მომხდარა და სწორედ ამიტომ, მსურს ღმერთი ესაუბროს მრავალ ადამიანს ჩემი მეშვეობით, რათა სხვებმა განიცადონ ღმერთისაგან მონიჭებული კურთხევა.


როდესაც ახალგაზრდა ლეიტენანტი ვიყავი, დავქორწინდი ახალგაზრდა მშვენიერ ხსნისარმიელზე. ეს იყო ერთი ნახვით შეყვარება და ჩვენ 40 წელზე მეტია დაქორწინებული ვართ. ერთადერთი უხერხულობა ამ გადაწყვეტილებასთან დაკავშირებით გახლდათ ის, რომ როდესაც დავქორწინდით, მაგნა არ იყო ოფიცერი, რაც იმას ნიშნავდა, რომ მე უნდა დამეთმო ოფიცრობა. თუმცა, ჩვენ გავაგრძელეთ მსახურება როგორც კორპუსის ლიდერებმა და მიუხედავად იმისა, რომ მე მითხრეს, დავთმე „არმია“, არასოდეს მიგრძვნია, რომ უფალი ჩამოვიშორე ჩემი გზიდან. მსგავსი გრძნობა რამოდენიმე თვის შემდეგ მოვიდა. მე ვმართავდი მანქანას, დავკარგე კონტროლი რაც საშინელი ავარიით დასრულდა. მაგნა ნაკაწრის გარეშე იყო, მე კი სერიოზულად დავზარალდი - რაც დასრულდა ჩემი რამოდენიმე კვირიანი ყოფნით საავადმყოფოში და გადავიტანე ორი ოპერაცია. მიზეზი, რატომაც ვფიქრობდი, რომ ჩამოვიშორე ღმერთი - და აქედან გამომდინარე დასტურდებოდა, რომ დავთმე „არმია“, იყოს ის, რომ არ მქონდა მართვის მოწმობა. მე მქონდა სრული მარცხის შეგრძნება და რომ ღმერთი ვეღარასოდეს შეძლებდა ჩემ გამოყენებას.

საავადმყოფოდან გამოსვლის შემდეგ, ჯერ კიდევ ყავარჯნებით, დავესწარი ბანაკის მრავალრიცხოვან შეხვედრას. იქნებოდა დაახლოებით 5-10.000 დამსწრე ადამიანი. სულდამძიმებულებმა, ჩვენი ადგილი დარბაზის ბოლოს მოვნახეთ. როდესაც მოძღვარი შვედეთიდან სტენლი სჯობერგი იდგა და ქადაგებდა, მან წარმოთქვა დაახლოებით ასეთი რამ:

სანამ ქადაგებას დავიწყებდე, უწყება მაქვს ადამიანისათვის რომელიც კონგრეგაციაშია. შენ ფიქრობ, რომ ღმერთმა უარგყო და იგი ვეღარასოდეს შეძლებ შენს გამოყენებას. რადგანაც დააღვიე კანონი, მართვის მოწმობის გარეშე მართავდი მანქანას და ამით საკუთარი თავი დააზიანე, ღმერთს სურს იცოდე, რომ შენ მიგეტევა და იგი აღგადგენს მსახურებაში.

ჩემთვის ეს სიტყვები იყო „მოვერცხლილი ოქროს ვაშლები“ - ამიტომ, მე ვიცი, რამდენად მნიშვნელოვანია გქონდეს უზომო სურვილი წარმოთქვა სიტყვები, რომლებიც განკურნავს დათრგუნულ ადამიანებს.

„ციური მანნა“ დღეისათვის:

მე მსურს დროულად წარმოვთქვა სიტყვა!

შენ?
----------------------------------------